Speed Dating 極速約會 – 兩顆心 猜情尋 (東方)

今年情人節，商舖唔係休巿就搞情人活動，明明每年都話單身人士數目遞增，點解情人節要兩個人先過得開心？其實一支公都可以搵到好節目，男的影相睇騷脫離毒男行列，女的玩「友緣人」整蛋糕唔再做宅女，新年出街行個大運，隨時遇到生命中的另一半。

■唔做宅女 主動出擊
自從跟前度男友分開後，已差不多兩年時間沒拍拖了，情人節孤伶伶度過當然不是味兒，所以今年決定要積極一點，為下一次戀愛鋪路，好好握緊自己的幸福。
早上：網上開闢社交圈

大清早跟家人拜過早年後，便上網跟人聊天，之前看過一本海外雜誌，介紹Skyecandy的 Video Speed Dating平台，覺得幾好玩，也因此而認識了一些來自海外的朋友，甚至還進行了視像約會呢！雖然談得也很投契，不過「遠水不能救近火」，即管試試朋友介紹的本地交友網吧！

■下午：上炷香求姻緣
拜神最講求誠心，朋友話大年初一去黃大仙上頭炷香最靈驗，即管去一去，祈求吓姻緣運都好。係喎！他說過中午會去志蓮淨苑影相，橫豎在附近，不如去撞吓佢，睇吓大家有冇緣啦！

■晚上：整蛋糕
前任男友曾經嫌棄我不懂煮嘢食，於是的起心肝去學。今日情人節，師傅話全日都忙住教整蛋糕，好多女仔都即學即整，諗住晚上送畀男朋友。反正自己都鍾意食甜品，所以我都唔執輸一早報咗名！

終於完成啦！個賣相唔錯呢！不過我一個人又似乎食唔晒喎，不如……打畀「友緣人」個男仔，睇吓佢有冇興趣試吓我嘅手勢先！

■優廚坊飽餅教室
整個過程由磅材料到完成後的裝飾，都由學員一手包辦，讓學員對每個步驟印象更深刻，即使離開課室亦能自行重做出來。